Misy fampianarana Esperanto foana eto Madagasikara efa hatramin’izay ela izay na dia mbola vitsy mpahalala aza izany.

Vitsivitsy ihany ny toerana fianarana Esperanto fa ireto no tena fantatra. Mety mbola misy toerana hafa saingy tsy anananay ny adiresy mazava tsara :

  

Itaosy Esperanto-Klubo eny Avaratsena Ambohidrapeto, Tana Esperanto-Klubo eny Manjakaray ary ireo kilioba Esperanto ao Moramanga..

Ny fomba fianarana teny Esperanto eto Madagasikara kosa dia :

-fampianarana mivantana any amin’ireny kilioba Esperanto ireny;

-fampianarana Esperanto ampitain-davitra ka mampiasa e-mail handefasana ireo video, tahirin-kevitra pdf sy word;

-fianarana teny Esperanto azo alaina maimaim-poana ao amin’ny Aterineto;

-fianarana Esperanto amin’ny application DUOLINGO sy ireo application android hafa;

-fampianarana ny teny Esperanto amin’ny pejy www.lernu.net sy ny https://ikurso.esperanto-france.org/  


FA HATAONTSIKA INONA MOA  ESPERANTO ?

Manampy izay mahafehy azy hifandray amin’ireo olona miteny Esperanto (esperantista) erantany izy. Teny mora ianarana ny Esperanto ka malaky kokoa dia efa azonao atao ny mampiasa azy amin’ny fianaranao, ny asanao, ny fialam-bolinao, ny fitsidihanao firenena hafa sns. Ireto misy rohy (liens) vitsivitsy hahalalanao be be kokoa momba izany:


  
Pejy amin’ny teny frantsay mikasika ny fampiasana ny teny Esperanto:
 

https://www.mondelangues.fr/apprendre-esperanto  

 
Pejin’ny YouTube momba ny web radio ataon’ny Malagasy amin’ny teny Esperanto :

https://www.youtube.com/channel/UCmqZoe9w7C07OEZJijWXWAw  

Pejy hifandraisana amin’ireo mpanaraka ny web radio-ntsika Aminda Radio Esperanto:
 

https://amindaradio.wordpress.com/  


Pejy facebook:
 

https://web.facebook.com/groups/135631673121004  

 


 

 




Esperantista malagasy 

Sary tamin'ny kongresy teny Ivato tamin'ny jona 2015


NY KINENDRINAY


Ny hifehezanao ny teny Esperanto araka ny hafainganana mety aminao ary ny hampiasanao izany avy hatrany hiresahana sy hanoratana amin'ny alalan'ny fitaovan-tserasera maoderina (Aterineto, Messenger, Whatsapp, Wechat, Facebook...)


Ireo mpianatra sasantsasany eny amin'ny Itaosy Esperanto-Klubo

VONONA HAMPIANATRA


Mpampianatra teny vahiny izahay no sady mpampianatra teny Esperanto.  Vonona hanoro sy hitantana anao mba hahafehy ity teny ity ary hahita ny lalana hampiasana azy ho an'ny tombontsoanao.

Kongresy nasionalin'ny UME tany Vatomandry (2008)

RAHA FINTININA...


Efa tany am-pihandohan'ny taonjato faha-20 tany no nidiran'ny Esperanto teto amintsika. Mbola vitsy anefa no mahalala ny fisiany ary vitsy koa ireo Malagasy no tena mahafehy azy. Misy fikambanana nasionaly sy klioba vitsivitsy ka izy ireo no miezaka mampahafantatra ity teny ity amin'ny tanora malagasy.

Logo-ny web radio sahanin'ireo esperantista eto amintsika. Tsindrio ny sary raha te-hanaraka ny web radio ianao


MANDRAISA ANJARA


Efa hatamin'ny 2016 no nisy ny web radio amin'ny teny Esperanto ary mandefa fandaharana vidéo Mp4 isam-bolana amin'ny YouTube, Linkedin, Twitter, Instagram ary  Facebook. Afaka mandray anjara amin'izany ny esperantista rehetra.



Ireo mpikambana ao amin'ny Itaosy Esperanto-Klubo handeha hamboly hazo teny Antambohomena (Mahitsy) tamin'ny volana febroary 2016


Afaka ampiasainao avy hatrany ny Esperanto

Fampianarana mivantana sy amin'ny alalan'ny Aterineto, fanazarana hiteny sy hanoratra, fanazarana hifandray mivantana amin'ireo esperantista eto an-toerana sy any ivelany, fampandraisana anjara amin'ny web radio amin'ny teny Esperanto izay sahanin'ny esperantista malagasy, fanazarana anao hanao lahatsoratra ho an'ireo gazety isan-karazany amin'ny teny Esperanto, fampiharana ny teny Esperanto amin'ireo afaka mitsidika firenena hafa na koa ireo misahana ny resaka ara-barotra ...

Tahirin-tsary

Manasa anao ary izahay hitsidika ny tahirin-tsarin'ny esperantista malagasy.


Esperantista vahiny 15 isa nanao fitsidihana manodidina an'ny Madagasikara (2016). Fiaingana tao Fianarantsoa handeha lamasinina ho any Manakara.